ვიდეო: რეალმა პრესეზონი ჩელსისთან მოგებით დაასრულა

ნელ-ნელა ახლოვდება ახალი სეზონის დასაწყისი და მსოფლიო გრანდები თავიანთ მოსამზადებელ ეტაპს ასრულებენ.

მადრიდის რეალმა პრესეზონის ბოლო ამხანაგური მატჩი ჩელსისთან გამართა და მოიგო კიდეც ანგარიშით 2-1.

სამივე გოლი პირველ ტაიმში გავიდა. მე-19 წუთზე ლუკას ვასკესკმა გახსნა ანგარიში, 27-ე წუთზე კი ვინისიუსის ტრიველა პასის შემდეგ ბრაჰიმ დიასმა გაზარდა სხვაობა ორამდე. ლონდონელთა მხრიდან თავი 39-ე წუთზე ნონი მადუეკემ გამოიჩინა.

რეალის ამერიკული ტურნე ამ მატჩით დასრულდა

მილანი 1-0 რეალი

ბარსელონა 2-1 რეალი

რეალი 2-1 ჩელსი

მადრიდელები შემდეგ მატჩს უეფას სუპერ თასზე ატალანტას წინააღმდეგ გამართავენ. შეხვედრა 14 აგვისტოს ჩატარდება.

ლა ლიგის პირველ ტურში კი ანჩელოტის გუნდი 18 აგვისტოს მალიორკას ესტუმრება.

რაც შეეხება ჩელსის, გუნდი 11 აგვისტოს ბოლო ამხანაგურ მატჩს ინტერის წინააღმდეგ ჩაატარებს. 18 აგვისტოს კი პრემიერ ლიგის პირველ ტურში მანჩესტერ სიტის უმასპინძლებს.