ვიდეო: ამხანაგური კლასიკო ბარსელონამ მოიგო

მსოფლიო ფეხბურთის გრანდები ახალი სეზონისთვის მზადებას აგრძელებენ.

აშშ-ში ამხანაგური ელ კლასიკო შედგა. ნიუ ჯერსიში ერთმანეთს რეალი და ბარსელონა დაუპირისპირდნენ.

მატჩი თავიდან უამინდობის გამო ნახევარი საათით გადაიდო, შემდეგ კი უკვე დაწყებული შეხვედრა მე-10 წუთზე იმავე მიზეზით შეწყდა. საბოლოოდ გუნდებმა სრულად ითამაშეს.

ბარსელონამ 2-1 იმარჯვა. 42-ე და 54-ე წუთებზე გატანილი გოლებით დუბლი პაუ ვიქტორმა შეასრულა. 82-ე წუთზე კი მადრიდელთა მხრიდან გოლი ნიკო პასმა მიითვალა.

კატალონიელები სეზონის დაწყებამდე კიდევ ორ ამხანაგურ შეხვედრას გამართავს. 7 აგვისტოს კატალონიელები მილანს შეხვდებიან, 12 აგვისტოს კი მონაკოს.

ლა ლიგის პირველ ტურში ბლაუგრანა მესტალიაზე ვალენსიას ესტუმრება. მატჩი 17 აგვისტოს ჩატარდება.

რეალი კი 7 აგვისტოს ჩელსისთან ითამაშებს ამხანაგურად, 14 აგვისტოს კი უეფას სუპერ თასზე მადრიდელთა მეტოქე ატალანტა იქნება.

ესპანეთის ჩემპიონატის პირველ ტურში ანჩელოტის გუნდი სტუმრად მალიორკას დაუპირისპირდება, ეს შეხვედრა 18 აგვისტოს გაიმართება.