ენტონი ჯოშუასა და ტაისონ ფიურის დიდხანს ნანატრი ორთაბრძოლის ოფიციალურად გამოცხადებიდან სულ რაღაც ორ დღეში, სუპერბრძოლა კვლავ ჩაშლის საფრთხის წინაშე დადგა.
მიზეზი პრომოუტერებს შორის წამოჭრილი სერიოზული უთანხმოებაა.
ლონდონში გამართულ პრესკონფერენციაზე UFC-ის პრეზიდენტი დანა უაითი ბრიტანელ ჟურნალისტებს დაუპირისპირდა. დავის მთავარი საგანი ჯოშუას პრომოუტერის, ედი ჰირნის განცხადებაა, რომლის მიხედვითაც ჯოშუას კონტრაქტში არსებული პუნქტი დანა უაითს ამ ღონისძიების ორგანიზებაში მონაწილეობას პირდაპირ ურძალავს.
ჟურნალისტების შეკითხვებზე, აპირებს თუ არა უაითი გვერდზე გადგომას ბრძოლის გადასარჩენად, მან განაცხადა, რომ ეს მის გადაწყვეტილებაზე არ არის დამოკიდებული და ჰირნს მკაცრად უპასუხა.
