სალაჰის დუბლი - ლივერპულის ქამბექი სენტ მერიზე

ინგლისის პრემიერ ლიგის მე-12 ტურში საუთჰემპტონმა სენტ მერის სტადიონზე ლივერპული მიიღო.

შეხვედრაში ანგარიში 30-ე წუთზე გაიხსნა. შეცდომა მასპინძლებს დომინიკ სობოსლაიმ არ აპატია. 42-ე წუთზე ლივერპულის კარში პენალტი დაინიშნა, რომელიც ადამ არმსტრონგმა დაარტყა, მან პენალტიდან ვერ გაიტანა, თუმცა ანგარიშის გათანაბრება იქვე მოახერხა.

56-ე წუთზე მასპინძლების კონტრ-შეტევა მატეუშ ფერნანდეშმა დაასრულა და თავისი გუნდი დააწინაურა, თუმცა სოტონმა უპირატესობა ვერ შეინარჩუნა.

65-ე წუთზე მასპინძელთა მეკარის შეცდომა მოჰამედ სალაჰმა გამოიყენა, 83-ე წუთზე კი ეგვიპტელმა პენალტი შეასრულა ზუსტად და ლივერპულს მნიშვნელოვანი 3 ქულა მოუტანა.

არნე სლოტის გუნდს 12 მატჩის შემდეგ 31 ქულა აქვს და სატურნირო ცხრილს ერთპიროვნულად ლიდერობს. მეორეადგილოსან მანჩესტერ სიტისთან სხვაობა 8 ქულაა.

მოჰამედ სალაჰის ანგარიშზე კი 10 გოლი და 6 საგოლე გადაცემაა, მას ბომბარდირთა დავაში მხოლოდ ერლინგ ჰალანდი (12 გოლი) უსწრებს.