ლივერპულის ექს-მეკარე, ლორის კარიუსი, მის შესახებ გავრცელებულ ინფორმაციებს გამოეხმაურა.
იწერებოდა, რომ უკლუბოდ მყოფი გოლკიპერი შემოთავაზებების არქონის გამო საფეხბურთო კარიერის დასრულებას აპირებს.
„ამჟამად არცერთ კლუბთან არ მაკავშირებს კონტრაქტი, მაგრამ ჯერ კარიერა არ დამისრულებია. თუ შესაბამისი შემოთავაზება მექნება, ფეხბურთის თამაშის გაგრძელებას ვისურვებდი.
მჯერა, რომ ჯერ კიდევ გამაჩნია შესაბამისი თვისებები იმისთვის, რომ კარგი მეკარე ვიყო. მაგრამ თუ შემოთავაზება არ დამაკმაყოფილებს, არ დავთანხმდები მხოლოდ იმის გამო, რომ სადმე მაინც ვითამაშო." - აღნიშნა კარიუსმა.
გასულ სეზონში გერმანელი ნიუკასლში ირიცხებოდა და 1 მატჩი ჩაატარა.
