ლა ლიგის მე-14 ტურში მადრიდის რეალმა ლეგანესი გაანადგურა.
შეხვედრა სტადიონ ბუტარკეზე გაიმართა და კარლო ანჩელოტის გუნდის გამარჯვებით 3:0 დასრულდა.
პირველ ტაიმში ერთადერთი გოლი კილიან მბაპემ გაიტანა, რომელსაც ცარიელ კარზე ვინისიუსმა დაუგორა.
66-ე წუთზე ფედე ვალვერდემ ჯარიმის გათამაშების შემდეგ საჯარიმოდან აუღებლად გაისროლა და კომფორტული უპირატესობა მოიპოვა. წერტილი კი ჯუდ ბელინგემმა 85-ე წუთზე დასვა, როცა ძელიდან ასხლეტილი ბურთის შემდეგ საჯარიმოში ყველას დაასწრო და თავით მოახერხა გოლის გატანა.
რეალმა ბარსელონას ფეხის დაცდენით ისარგებლა, 30 ქულა დააგროვა და კატალონიელებთან სხვაობა 4 ქულამდე შეამცირა, თანაც მადრიდელებს ერთი მატჩით ნაკლებიც აქვთ ჩატარებული.
