პირველი მსურველი გამოჩნდა - ტენ ჰაგი შესაძლოა სერია ა-ში ვიხილოთ

მანჩესტერიდან გაშვების შემდეგ მალევე, ერიკ ტენ ჰაგი შესაძლოა სერია ა-ში დასაქმდეს.

Romapress.net-ის ინფორმაციით, რომას ხელმძღვანელობა მთავარ მწვრთნელად სწორედ ნიდერლანდელის დანიშვნის ვარიანტს განიხილავს.

შეგახსენებთ, რომ ამ სეზონში რომადან უკვე ორი მწვრთნელი დაითხოვეს - სექტემბერში დანიელე დე როსი, რამდენიმე დღის წინ კი მისი შემცვლელი ივან იურიშიც.

12 ტურის შემდეგ რომაელთა ანგარიშზე 3 გამარჯვება, 4 ფრე და 5 მარცხია და გუნდი 13 ქულით მე-12 ადგილს იკავებს. ბოლო 5 მატჩიდან რომამ 4 წააგო.