ხვიჩა კვარაცხელიას რომას წინააღმდეგ თავისი საუკეთესო თამაშის ჩვენება არ გამოუვიდა.
ქართველმა ფეხბურთელმა მოედანზე 67 წუთი გაატარა და შემდეგ ადგილი დავიდ ნერეშს დაუთმო.
67 ნათამაშებ წუთში ხვიჩა ბურთს 59-ჯერ შეეხო, 34-დან 28 პასი ზუსტად შეასრულა, 6 დრიბლინგის მცდელობიდან წარმატებული არცერთი არ ჰქონია და 3 არაზუსტი დარტყმა შეასრულა.
გამოცემა SofaScore-მ კვარაცხელიას ამ მატჩში ყველაზე დაბალი, 6.2 შეფასება დაუწერა.
მიუხედავად ამისა, ნაპოლიმ ლუკაკუს გოლით 1:0 მოიგო და პირველ ადგილზე დარჩა.
