მორატა: "იამალის მსგავსი მოთამაშე არასდროს მინახავს"

ალვარო მორატამ ლამინ იამალზე ისაუბრა.

"გულწრფელი რომ ვიყო, მისი მსგავსი მოთამაშე არასდროს მინახავს. ერთი ვარჯიში საკმარისი იყო იმის მისახვედრად, რომ ის განსხვავებული ფენომენია, ის საოცარია.

ყოველ 20-30 წელიწადში კრიშტიანუსა და მესისნაირი ერთი ან ორი მოთამაშე ჩნდება. ჩემთვის ლამინს ყველაფერი აქვს, რომ ისტორია შექმნას. 

დარწმუნებული ვარ, რომ ის ესპანეთის ისტორიაში ყველა დროის საუკეთესო თუ არა, ერთ-ერთი საუკეთესო გახდება." - განაცხადა ესპანეთის ნაკრების კაპიტანმა The Athletic-თან საუბარში.

მორატა და იამალი გასულ ზაფხულს ფურია როხასთან ერთად ევრო 2024-ის გამარჯვებულები გახდნენ. ლამინი ევროპის ჩემპიონატის საუკეთესო ახალგაზრდა მოთამაშედ დასახელდა.