2024 წლის Golden Boy იამალი გახდა

იტალიური Tuttosport-ის ჯილდოს Golden Boy-ს (ევროპაში მოთამაშე საუკეთესო 21-წლამდე ფეხბურთელი) 2024 წლის გამარჯვებული ლამინ იამალი გახდა.

ბარსელონას ტალანტი გახდა გოლდენ ბოის ყველაზე ახალგაზრდა მფლობელი, ის 17 წლისა და 4 თვის არის.

საერთაშორისო ჟიურიმ, რომელიც ყველაზე პრესტიჟული ევროპული გამოცემების 50 ავტორიტეტული ჟურნალისტისგან შედგება, იამალს 500 შესაძლებლიდან 488 ქულა მიანიჭა.

ბოლო 4 წელიწადში 3-ჯერ გოლდენ ბოის გამარჯვებული ბარსელონას ფეხბურთელი გახდა. 2021 წელს აღნიშნულ ჯილდოს პედრი დაეუფლა, 2022 წელს კი - გავი.  ჯამში კი იამალი ბარსას მე-4 მოთამაშეა, ვინც გოლდენ ბოი გახდა. 2005 წელს ეს ჯილდო ლიონელ მესიმ მიიღო.

2023 წლის გოლდენ ბოი ჯუდ ბელინგემი იყო.