პოლონეთის დედაქალაქ ვარშავაში უეფას სუპერ თასის მატჩი გაიმართა, სადაც ერთმანეთს ჩემპიონთა ლიგისა და ევროპა ლიგის გამარჯვებულები - მადრიდის რეალი და ატალანტა დაუპირისპირდნენ.
რეალის შემადგენლობაში კილიან მბაპეს დებიუტი შედგა, რომელმაც შეხვედრა სასტარტო შემადგენლობიდან დაიწყო.
მატჩის პირველი ნახევარი უგოლოდ დასრულდა, მეორე ტაიმში კი რეალი მეტად გააქტიურდა, რამაც შედეგი გამოიღო.
59-ე წუთზე ვინისიუს ჟუნიორის კარგი თამაშის შემდეგ ფედერიკო ვალვერდემ ცარიელ კარში შეაგდო ბურთი და ანგარიში გახსნა.
68-ე წუთზე საჯარიმოში ჯუდ ბელინგემის კარგი პასი საგოლე გადაცემად კილიან მბაპემ აქცია და რეალის შემადგენლობაში სადებიუტო გოლიც გაიტანა. საბოლოოდ შეხვედრაში მეტი გოლი აღარ გასულა და მადრიდელებმა ატალანტა 2-0 დაამარცხეს.
ამ გამარჯვებით რეალი გახდა ისტორიაში პირველი გუნდი, რომელმაც უეფას სუპერ თასი 6-ჯერ მოიგო. სამეფო კლუბმა ეს 2002, 2014, 2016, 2017, 2022 და უკვე 2024 წლებში მოახერხა.
მატჩის საუკეთესო ფეხბურთელად ჯუდ ბელინგემი დასახელდა.
