მასკერანო მესის მწვრთნელი ხდება

სპორტული ჟურნალისტის, სეზარ ლუის მერლოს ექსკლუზიური ინფორმაციით, ხავიერ მასკერანო ინტერ მაიამის ახალი მთავარი მწვრთნელი გახდება.

არგენტინელთან შეთანხმება უკვე შედგა და ოფიციალური დოკუმენტები მზადდება. მასკერანო ლეო მესის მწვრთნელი ხდება, რომელთანაც ყოველთვის განსაკუთრებული მეგობრობა აკავშირებდა.

ინფორმაციას იტალიელი სპორტული ჟურნალისტი ფაბრიციო რომანოც ავრცელებს.

ხავიერ მასკერანომ საფეხბურთო კარიერა 2020 წელს ესტუდიანტესში დაასრულა, 2021 წლიდან კი არგენტინისს 20-წლამდელთა ნაკრების მწვრთნელი იყო.

მესი და მასკერანო ბარსელონაში თანაგუნდელები 2010-დან 2018 წლამდე იყვნენ, არგენტინის ნაკრებში კი ერთად 2005-დან 2018 წლამდე თამაშობდნენ.