ანხელ დი მარიას ჩემპიონთა ლიგაზე 41 საგოლე გადაცემა დაუგროვდა და ამ შედეგით ლეო მესის გადაასწრო.
ფიდეოს მხოლოდ ერთი ასისტი აკლია, რათა კრიშტიანუ რონალდუს დაეწიოს და ჩემპიონთა ლიგის ისტორიაში ყველაზე მეტი საგოლე გადაცემა დაუგროვდეს.
არგენტინელს ბენფიკაში ჩატარებულ ბოლო 3 მატჩში 5 გოლი და 3 ასისტი აქვს.
36 წლის დი მარიამ 2 გოლი პორტუს გაუტანა, გასულ უიქენდზე ჰეთ-თრიქი შეასრულა, ჩემპიონთა ლიგაზე მონაკოსთან კი 2 ასისტი მიითვალა.
უეფას ოფიციალური გვერდის მონაცემებით ჩემპიონთა ლიგის ყველა დროის საუკეთესო ასისტენტთა ხუთეული ასე გამოიყურება:
1. რონალდუ - 42
2. დი მარია - 41
3. მესი - 40
4. ნეიმარი - 33
5. გიგზი - 31
