ლუკაკუს ჯუზეპე მეაცაზე ობსტრუქცია მოუწყვეს

ნაპოლისთან მატჩის წინ, ინტერის გულშემატკივრებმა რომელუ ლუკაკუს შეურაცხყოფა მიაყენეს.

ბელგიელი ფორვარდი ინტერში 2019-2021 წლებში თამაშობდა, 2023-ს ზაფხულში მას ინტერში დაბრუნება შეეძლო, თუმცა პარალელურად იუვენტუსთან მოლაპარაკებების წარმოების გამო, მილანელებმა მის შეძენაზე უარი თქვეს.

Corriere dello Sport-ის ინფორმაციით, ჯუზეპე მეაცაზე შეკრებილი პუბლიკა მოედანზე გასახურებლად შემოსულ ფეხბურთელს შეურაცხყოფას აყენებდნენ და მეძავის შვილს ეძახდნენ.

როდესაც გახურებაზე საქმე კარში დარტყმებამდე მივიდა, ინტერის ქომაგები ლუკაკუს ყველა ბურთზე შეხებას უსტვენდნენ და მის ყველა აცილებას დასცინოდნენ.

უშუალოდ მატჩის დროსაც, ულტრასები ლუკაკუს ყველა ბურთთან შეხებას სტვენით ხვდებოდნენ.