ჩემპიონთა ლიგის 1/8 ფინალურ დაპირისპირებაში პორტუ არსენალს უმასპინძლებს.
პორტუ - ბარსელონა (23:59, 21 თებერვალი) - უყურე მატჩს უფასოდ adjarabetarena-ზე.
პორტუ ჯგუფში ბარსელონასთან, შახტართან და ანტვერპენთან მოხვდა და მიუხედავად იმისა, რომ ბლაუგრანას მსგავსად 12 ქულა დააგროვა, პლეიოფში მე-2 ადგილით გავიდა. გუნდმა 4 მატჩი მოიგო და 2 წააგო, გაიტანა 15 და გაუშვა 8 გოლი.
არსენალმა კი პსვ-ს, ლანსისა და სევილიას ბარიერები დაძლია. ლონდონელებმა 13 ქულით პირველი ადგილი დაიკავეს, მოიგეს 4, ფრედ ითამაშეს 1 და წააგეს 1 შეხვედრა. გუნდმა 16 გოლი გაიტანა, საკუთარ კარში კი 4 მიიღო.
პორტუგალიურმა გუნდმა ჯგუფური ეტაპის დასრულების შემდეგ ჩემპიონატში 9 მატჩი ჩაატარა, საიდანაც 5 მოიგო, 2 ფრედ ითამაშა და ორიც წააგო. პორტუ სატურნირო ცხრილში მე-3 ადგილზეა და ლიდერ ბენფიკასა და სპორტინგს 7 ქულით ჩამორჩება.
არსენალი კი ბოლო მატჩებია საოცარ ფორმაშია. არტეტას გუნდმა უკანასკნელი 5 შეხვედრა მოიგო, ჯამში 21 გოლი გაიტანა და მხოლოდ 2 გაუშვა. ლონდონელები პრემიერ ლიგაში მე-3 ადგილზე არიან, თუმცა პირველადგილოსან ლივერპულს მხოლოდ 2 ქულით ჩამორჩებიან.
სავარაუდო შემადგენლობები:
პორტუ - დიოგუ კოშტა; ჟოაო მარიო, პეპე, ოტავიო, ვენდელი; ვარელა, ნიკო გონსალესი; გალენო, პეპე, კონსეისაო; ევანილსონი.
არსენალი - რაია; უაითი, სალიბა, გაბრიელი, კივიორი; ოდეგორი რაისი, ჰავერცი; საკა, ტროსარი, მარტინელი.
მატჩს სერდარ გიოზუბუიუქი განსჯის. მან ჯგუფურ ეტაპზე სამ შეხვედრაში იმსაჯა: ატლეტიკო - ლაციო, ზალცბურგი - ინტერი, ბრაგა - ნაპოლი. მოთამაშეებს კი ჯამში 17 ყვითელი ბარათი უჩვენა.
