ოფიციალურად გახდა ცნობილი, რომ ფორმულა 1-ის რბოლები მონაკოში გაგრძელდება.
ახალი კონტრაქტი 2031 წლამდე გაფორმდა და რბოლებს მონაკოს ლეგენდარულ ქუჩებში გარანტირებულად კიდევ ბევრი წლის განმავლობაში ვიხილავთ. 2026 წლიდან მონაკოს გრანპრი მაისის მაგივრად ივნისში გაიმართება.
მონაკოში პირველი რბოლა 1929 წელს ჩატარდა, ჯამში კი მონაკოს ტრასამ 81 რბოლას უმასპინძლა.
ყველაზე მეტჯერ აქ გრანპრი ლეგენდარულ აირტონ სენას აქვს მოგებული. ბრაზილიელმა ეს 6-ჯერ შეძლო.
ბოლო რბოლა მონაკოში მონეგასკმა შარლ ლეკლერმა მოიგო.
