ლეგენდარული დიეგო მარადონას ცხედარს ბუენოს-აირესის სპეციალურ მავზოლეუმში გადაასვენებენ.
Clarin-ის ინფორმაციით, სასამართლომ მარადონას ცხედრის ბელა-ვისტას სასაფლაოდან ბუენოს აირესის მავზოლეუმში გადატანაზე თანხმობა განაცხადა.
მავზოლეუმი არგენტინის პრეზიდენტის რეზიდენციის, კასა როსადას სასახლის მახლობლად, 2025 წელს აშენდება.
1986 წლის მსოფლიო ჩემპიონი 2020 წლის ნოემბერში, 60 წლის ასაკში გარდაიცვალა. ბოკას, ბარსელონას, ნაპოლის და სხვა გუნდების ექს-ფეხბურთელის გარდაცვალების მიზეზად გულის გაჩერება დასახელდა.
აქამდე სასამართლო მარადონას ოჯახის წევრებს ცხედრის გადასვენებაზე უარს ეუბნებოდა, რადგან ამის წინააღმდეგ იყვნენ ექიმების ნაწილი, რომელთაც ბრალად დიეგოს სიცოცხლის გაუფრთხილებლობა და დაუგეგმავი მკვლელობა ედებოდათ. ამ საქმეზე პროცესი მომავალი წლის მარტიდან ისევ განახლდება.
