ჩელსის ლიდერი კოულ პალმერი თავის გუნდს კონფერენს ლიგაზე ვერ დაეხმარება.
ლონდონურმა კლუბმა 22 წლის ფეხბურთელი ჯგუფური ეტაპის განაცხადში არ შეიყვანა.
საბოლოო განაცხადში ვერ მოხვდნენ ასევე რომეო ლავია, უესლი ფოფანა და ბენ ჩილუელიც.
კლუბს განაცხადში ცვლილებების შეტანა ზამთარშიც შეეძლება, თუ ტურნირის პლეი-ოფში შეძლებს გასვლას. ამ ეტაპზე, ხელმძღვანელობა ხვდება, რომ ზაფხულში ახალ მსოფლიო საკლუბო ჩემპიონატში მონაწილეობის გამო, გუნდს ძალიან ბევრი თამაშის ჩატარება მოუწევს, ამიტომ კონფერენს ლიგის პირველ ეტაპზე პალმერის დასვენება გადაწყდა.
უეფას რანგით მე-3 ევროტურნირზე ჩელსი ჰენტის, პანათინაიკოსის, ნოას, ჰაიდენჰაიმის, ასტანას და შემროკ როვერსის წინააღმდეგ ითამაშებს.
