ინგლისის პრემიერ ლიგის მე-10 ტურში ნიუკასლმა სენტ ჯეიმს პარკზე არსენალი მიიღო.
შეხვედრის ბედი ერთადერთმა გოლმა გადაწყვიტა. მატჩის მე-12 წუთზე აარონ გორდონის პასის შემდეგ ანგარიში ალექსანდერ ისაკმა გახსნა.
მცდელობების მიუხედავად არსენალმა თამაშის დარჩენილ ნაწილში გარდატეხა ვერ მოახერხა და მატჩი ნიუკასლის გამარჯვებით 1-0 დასრულდა, ლონდონელებმა კი მნიშვნელოვანი ქულები დაკარგეს. არსენალს პრემიერ ლიგაში 3-მატჩიანი მოუგებელი სერია აქვს.
ამ გამარჯვების შემდეგ კაჭკაჭებმა 15 ქულა დააგროვეს და სატურნირო ცხრილში ამ მომენტისთვის მე-8 ადგილზე გადაინაცვლეს.
არტეტას გუნდი კი 18 ქულით მე-3 ადგილზე რჩება, ლიდერ მანჩესტერ სიტისთან კი ჩამორჩენა უკვე 5 ქულაა. გვარდიოლას გუნდი ამ ტურში ბორნმუთს ესტუმრება.
