ზაფხულის სატრანსფერო ფანჯრის დროს, ნიუკასლის თავდამსხმელი ალექსანდრ ისაკი ერთ-ერთი სასურველი ლუკმა იქნება.
შვედი ნიუკასლის ერთ-ერთ ლიდერად და შეტევაში მთავარ დამრტყმელ ძალად ჩამოყალიბდა.
TeamTALK-ის ინფორმაციით, ზაფხულში ფეხბურთელისთვის ბაზარზე ლონდონური დერბი გაიმართება - მისი შეძენით ამ ეტაპზე ჩელსი და არსენალი ინტერესდებიან.
თუმცა, ნიუკასლიდან ისაკის მარტივად წამოყვანა არ გამოვა - კლუბი მას 115 მილიონ ფუნტად აფასებს.
ისაკი ნიუკასლში რეალ სოსიედადიდან 2022 წლის აგვისტოში 70 მილიონ ევროდ გადავიდა და კლუბის მაისურით 78 მატჩში 40 გოლი და 7 საგოლე პასი მიითვალა, კლუბთან კონტრაქტი მას 2028 წლამდე აკავშირებს.
