უეფას ჩემპიონთა ლიგის მე-5 ტურში გრაცის შტურმმა საკუთარ მოედანზე ჟირონა მიიღო.
სასტარტო შემადგენლობაში იყო ოთარ კიტეიშვილი, რომელმაც თავის გუნდს მთელი მატჩის განმავლობაში უკაპიტნა.
პირველი ტაიმი უგოლოდ დასრულდა. მეორე ნახევარში კი შეხვედრის ბედი ერთმა გოლმა გადაწყვიტა. 59-ე წუთზე გამარჯვების გოლი მიკა ბიერიტმა გაიტანა.
თამაშის დარჩენილ ნაწილში გრაცელებმა უპირატესობის შენარჩუნება მოახერხეს და ჩემპიონთა ლიგის მიმდინარე სეზონში პირველი 3 ქულა მიითვალეს.
Sofascore-ის მიხედვით ოთარ კიტეიშვილმა 6.8 შეფასება დაიმსახურა.
