საოცრება ეტიჰადზე - სიტიმ სამბურთიანი უპირატესობა გაანიავა

ზედიზედ 5 წაგებული მატჩის შემდეგ მან სიტი გამარჯვების გზაზე დაბრუნებასთან ახლოს იყო, თუმცა არ გამოუვიდა.

ჩემპიონთა ლიგის საერთო ფაზის მე-5 ტურში გვარდიოლას გუნდმა ფეიენოორდს უმასპინძლა და ფრე 3:3 ითამაშა.

ჰალანდის დუბლითა და გიუნდოგანის გოლით მან სიტი 53-ე წუთისთვის უკვე კომფორტულად 3:0-ს იგებდა, თუმცა 75, 82 და 89-ე წუთებზე სამი უპასუხო გოლი მიიღო საკუთარ კარში და მოულოდნელად სამბურთიანი უპირატესობა გაანიავა.

ამ ფრით სიტიმ ზედიზედ მე-6 მატჩი ვერ მოიგო, ლიგაზე 8 ქულა დააგროვა და სატურნირო ცხრილში ამ ეტაპზე მე-15 ადგილს იკავებს, ფეიენოორდი 7 ქულით მე-20 ადგილზეა.