ნოვაკ ჯოკოვიჩი სეზონის ბოლო ორი ტურნირიდან, ჯერ პარიზის მასტერსიდან, შემდეგ კი ტურინის შემაჯამებლიდან მოიხსნა.
ორივე ამ ტურნირზე ნოვაკი მოქმედი ჩემპიონი იყო, რაც დაახლოებით 2500 ქულის დაკარგვას ნიშნავს.
შესაბამისად, ამჟამად მე-5 რეიტინგზე მყოფი სერბი ლეგენდა სეზონს ხუთეულს გარეთ დაასრულებს, რაც 2006 წლის შემდეგ მხოლოდ მეორედ მოხდება.
2017 წელს მან სეზონი ტრავმების გამო, ნაადრევად, ივლისში დაასრულა და სეზონის ბოლოს მე-12 პოზიციაზე აღმოჩნდა, წელს კი, სერბმა ვერცერთი გრენდ სლემი და ვერცერთი მასტერსი ვერ მოიგო, მხოლოდ პარიზის ოლიმპიადაზე იზეიმა წარმატება და შედეგად, სეზონს 6-დან მე-9 პოზიციებს შორის დაასრულებს.
პარიზის მასტერსზე გამარჯვება ალექს ზვერევმა მოიპოვა, ტურინის შემაჯემებელი რვა საუკეთესოს შორის კი 10-17 ნოემბერს გაიმართება.
