ლევანდოვსკიმ ისტორიულ ნიშნულს გადააბიჯა

ფრანგულ ბრესტთან მატჩში რობერტ ლევანდოვსკიმ ჩემპიონთა ლიგაზე მორიგი დუბლი შეასრულა.

ბარსელონამ მე-5 ტურში ბრესტი 3:0 გაანადგურა, საიდანაც ორი გოლი სწორედ ვეტერანმა თავდამსხმელმა შეაგდო.

პოლონელი ფორვარდისთვის ეს გოლები ისტორიული გამოვიდა.

მე-10 წუთზე დანიშნული პენალტის სისრულეში მოყვანით, ლევანდოვსკიმ ლიგაზე გატანილი გოლების რაოდენობა 100-მდე აიყვანა და ისტორიაში მხოლოდ მე-3 ფეხბურთელი გახდა, რომელმაც ამის გაკეთება შეძლო.

აქამდე, 100-გოლიან ნიშნულზე გადაბიჯებული მხოლოდ კრიშტიანუ რონალდუს (140 გოლი) და ლეო მესის (129) ჰქონდათ, ახლა კი ამ დიდებულ სიას რობერტ ლევანდოვსკიც შეუერთდა.