ვიდეო: ზივზივაძემ სეზონი გოლით დახურა

გერმანიის მეორე ბუნდესლიგის ბოლო ტურში კარლსრუე ელვერსბერგს ესტუმრა და მეტოქე 0-3 დაამარცხა.

სასტარტო შემადგენლობაში იყო ბუდუ ზივზივაძე, რომელმაც მატჩი სრულად ჩაატარა.

ქართველმა თავდამსხმელმა 52-ე წუთზე ანგარიში გახსნა და სეზონი გოლით დახურა.

კარლსრუემ საბოლოოდ 55 ქულა დააგროვა და სატურნირო ცხრილში მე-5 ადგილი დაიკავა.

ბუდუ ზივზივაძემ კი სეზონი 12 გოლითა და 1 საგოლე გადაცემით დაასრულა.