ზივზივაძე მეორე ბუნდესლიგის კვირის გუნდში მოხვდა

გერმანულმა Kicker-მა მეორე ბუნდესლიგის მე-13 ტურის გუნდი გამოაქვეყნა, სადაც ბუდუ ზივზივაძეც მოხვდა.

ქართველი Kicker-ის კვირის გუნდში მიმდინარე სეზონში მესამედ დასახელდა. ქართველმა თავდამსხმელმა გროიტერ ფიურტთან გოლის გატანა შეძლო, კარლსრუემ კი გასვლაზე მეტოქე 2-3 დაამარცხა.

კარლსრუე 13 ტურის შემდეგ სატურნირო ცხრილში 23 ქულით მე-2 ადგილზეა და პირველადგილოსან პადერბორნს 1 ქულით ჩამორჩება.

ბუდუ ზივზივაძის ანგარიშზე კი 9 გოლი და 3 საგოლე გადაცემაა და ის ამ შედეგით მეორე ბუნდესლიგის თანაბომბარდირია. ანალოგიური შედეგი აქვს დარმშტადტის მოთამაშე ისაკ ლიდბერგსაც.