უმძიმესი ბრძოლა და ბოლო წუთზე დაკარგული ქულები - ხორვატიას სიტუაცია დამძიმდა

ევრო 2024-ს ჯგუფური ეტაპის მე-2 ტურის პირველ მატჩში ხორვატიამ და ალბანეთმა მძიმე ბრძოლაში გამარჯვებული ვერ გამოავლინეს.

ანგარიში მე-11 წუთზე ლაციმ გახსნა და ალბანეთი სენსაციურად დააწინაურა. ანგარიშის გასათანაბრებლად ხორვატიას დიდი ბრძოლა მოუწია და ამის გაკეთება მხოლოდ 74-ე წთზე, ანდრეი კრამარიჩის მეშვეობით შეძლეს.

კიდევ ორ წუთში საჯარიმოს ბუდიმირის აქტიურობას გიასულას ავტოგოლი მოჰყვა და ხორვატია ევროზე პირველ გამარჯვებას მიუახლოვდა.

90+5 წუთზე გიასულამ თავისი შეცდომა გამოასწორა, ანგარიში გაათანაბრა და ხორვატიას ქულები ზედიზედ მე-2 მატჩში წაართვა.

ორი მატჩის შემდეგ ორივე გუნდს თითო ქულა აქვთ აქტივში და ჯგუფის მე-3 და მე-4 ადგილებს იყოფენ.