იტალიელი ჟურნალისტის ფაბრიციო რომანოს ინფორმაციით, გალათასარაიმ ნაპოლისთან შეთანხმებას მიაღწია ვიქტორ ოსიმენის ერთწლიანი იჯარით დამატებასთან დაკავშირებით.
თურქული კლუბის დელეგაცია იტალიაშია და შემდეგ საათებში ოსიმენს შეხვდება, რათა მოთამაშისგან ტრანსფერთან დაკავშირებით საბოლოო მწვანე შუქი მიიღოს.
31 აგვისტოს ჩათვლით, სანამ პრემიერ ლიგაში სატრანსფერო ფანჯარა ღია იყო, თავდამსხმელის გადაბირებაზე ჩელსი მუშაობდა, თუმცა გარიგება არ შედგა, ტრანსფერი არ გამოვიდა არაბული ალ აჰლის შემთხვევაშიც, ნაპოლიში კი ოსიმენი მთავარი გუნდის მოთამაშედ აღარ განიხილება.
პარტენოპეიში დარჩენის შემთხვევაში ნიგერიელს ზამთრამდე უქმობა ემუქრება. ოსიმენს ნაპოლისთან კონტრაქტი 2026 წლამდე აკავშირებს.
