პარიზის 2024 წლის პარალიმპიადაზე პარამოფარიკავეები ნინო თიბილაშვილი და ირმა ხეცურიანი 1/2 ფინალში გავიდნენ.
ხმლით ფარიკაობაში (A კატეგორია) 1/4 ფინალურ ეტაპზე თიბილაშვილი ჰონგ კონგელ ჩუი იუს დაუპირისპირდა და მეტოქე მარტივად 15-4 დაამარცხა. პირველ შეხვედრაში ნინომ სამხრეთ კორეელ კიონ ჰიო კვონს სძლია დამაჯერებლად 15-5.
ხეცურიანმა კი (B კატეგორია) 1/4 ფინალურ ეტაპზე პოლონელი იადვიგა პაცეკი 15-9 დაამარცხა, პირველ ეტაპზე კი ვენესუელელ ხაიმეს როხასს მარტივად 15-2 მოუგო.
ხეცურიანი 1/2 ფინალში ჩინელ რონგ შიაოს შეხვდება.
შეგახსენებთ, რომ საქართველოს დელეგაციას პარიზის პარალიმპიადაზე 2 მედალი აქვს. ანა ჯაფარიძემ პარატაეკვანდოში ბრინჯაოს მედალი მოიპოვა, ბირთვის კვრაში კი პარამძლეოსანი გიგა ოჩხიკიძე პარალიმპიური ჩემპიონი გახდა.
