საქართველოს დრამატული გამარჯვება ფინეთში

ევრობასკეტ 2025-ის შესარჩევი ეტაპის მატჩში საქართველოს საკალათბურთო ნაკრები ფინეთს ესტუმრა. თამაში საკმაოდ დაძაბული გამოდგა.

შეხვედრა ფინელების უპირატესობით დაიწყო. მასპინძლები თავიდანვე 15-0 გაიქცნენ, თუმცა ქართველებმა ჩამორჩენა გაანახევრეს და სხვაობა დაასტაბილურეს.

საბოლოოდ პირველი ტაიმი ფინეთის გამარჯვებით 48-43 დასრულდა. მესამე მეოთხედის სტარტზე ანგარიში პირველად გათანაბრდა (48-48), მაგრამ ფინელები კვლავ 9 ქულით გაიქცნენ.

საქართველოს ნაკრები პირველად წინ მეოთხე მეოთხედის დასაწყისში გავიდა (63-65) და წონასწორობა თამაშში აღარ შეცვლილა. საბოლოოდ დაძაბული მატჩი ქართველთა გამარჯვებით 83-90 დასრულდა. 

ჩვენს გუნდს გადამწყვეტ მომენტში თორნიკე შენგელიამ ულიდერა, რომელსაც მესამე მეოთხედის ბოლოსკენ 4 ქულა ჰქონდა, საბოლოოდ კი 24 ქულა დააგროვა.

წარმატებული დებიუტი ჰქონდა ლეგიონერ კამარ ბოლდუინსაც, რომელმაც 23 ქულა მიითვალა.

ჯიკიჩის გუნდმა მიმდინარე საკვალიფიკაციო ეტაპზე პირველი გამარჯვება მოიპოვა და 3 მატჩის შემდეგ 4 ქულით ჯგუფში მე-3 ადგილზეა.. მე-4 მ შეხვედრას ქართველები 24 ნოემბერს თბილისში გამართავენ, მეტოქე კი კვლავ ფინეთის ნაკრები იქნება.