"საქართველოს ასეთი ტრანსფერები სჭირდება" - ქეცბაია სალიას ნიუკასლში გადასვლაზე

ლეგენდარული ქართველი ფეხბურთელი, თემურ ქეცბაია ვახტანგ სალიას ნიუკასლში ტრანსფერს გამოეხმაურა.

"მოხარული ვარ ვახო სალიას ნიუკასლ იუნაიტედში ტრასნფერით. ეს არის კლუბი, სადაც ჩემი კარიერის საუკეთესო პერიოდი გავატარე და იქ გატარებული წლებს ვერაფერს შევადარებ. ვახოს ვუსურვებ უფრო წარმატებული და გრძელ კარიერას ამ კლუბში, რომელსაც ძლიერი შემადგენლობა ჰყავს და პრემიერ ლიგის ერთ-ერთი ლიდერი კლუბია.

დარწმუნებული ვარ, ამ ტრანსფერის შემდეგ ის კიდევ უფრო მეტს იშრომებს, რომ მიზანს მიაღწიოს, ნიუკასლში რაც შეიძლება მალე ითამაშოს და დაუმტკიცოს ყველას, რომ მათ სწორი არჩევანი გააკეთეს.

ჩვენ გვჭირდება ასეთი ტრანსფერები და ამ დონეზე თამაში, რათა საქართველოს ეროვნული გუნდის წარმატებული პერიოდი კიდევ უფრო გახანგრძლივდეს და გაძლიერდეს. წარმატებები ვახოს და წარმატებები საქართველოს!" - წერს ქეცბაია ინსტაგრამზე.

თემურ ქეცბაია ნიუკასლში 1997-დან 2000 წლამდე თამაშობა და პრემიერ ლიგაში ჩატარებულ 78 მატჩში 8 გოლი გაიტანა.

დინამო თბილისიდან პრემიერ ლიგაში - სალიას ტრანსფერი გაოფიციალურდა