საქართველომ ფინეთი სახლშიც დაამარცხა

ევრობასკეტ 2025-ის საკვალიფიკაციო ეტაპის მატჩში საქართველოს საკალათბურთო ნაკრებმა თბილისი არენაზე ფინეთი მიიღო.

პირველი ტაიმი ფინელთა გამარჯვებით 38-40 დასრულდა, თუმცა მეორე ტაიმში ქართველებმა უპირატესობის მოპოვება შეძლეს და საბოლოოდ მეოთხე მეოთხედში კომფორტული სხვაობაც დააფიქსირეს.

თამაში საქართველოს ნაკრების გამარჯვებით 81-64 დასრულდა და ჩვენმა გუნდმა ფინეთი გასვლითი მატჩის შემდეგ სახლშიც დაამარცხა.

გამარჯვებულ გუნდს კვლავ თორნიკე შენგელიამ და კამარ ბოლდუინმა ულიდერეს.

კაპიტანმა 35 წუთში 25 ქულა, 4 მოხსნა და 6 შედეგიანი გადაცემა მიითვალა, ახალწვეულმა ლეგიონერმა კი 37 წუთში 22 ქულა, 9 მოხსნა და 6 ასისტი ჩაიწერა აქტივში.

საქართველოს ნაკრებს საკვალიფიკაციო ეტაპზე ჩატარებული 2 მატჩის შემდეგ 2 მოგება აქვს და 6 ქულით მე-2 ადგილზეა, რაც ევრობასკეტის საგზურისთვის საკმარისია.

მომდევნო მატჩს შესარჩევ ციკლში ეროვნული გუნდი 2025 წლის თებერვალში დანიის წინააღმდეგ ჩაატარებს.

ახალწვეული ლეგიონერის წარმატებული მატჩები