საპასუხო მატჩში სენსაციის იმედად - დინამო ბათუმი აჭარაბეთ არენაზე დამარცხდა

უეფას კონფერენს ლიგის საკვალიფიკაციო ეტაპის პირველ მატჩში დინამო ბათუმი მონტენეგროს კლუბ დეჩიჩთან დამარცხდა.

შეხვედრა აჭარაბეთ არენაზე გაიმართა და ანდრეი დემჩენკოს გუნდის წაგებით 0:2 დასრულდა.

პირველ ტაიმში ბათუმელები მეტოქეს თამაშით აშკარად აღემატებოდნენ, თუმცა სამწუხაროდ უპირატესობის გოლად ქცევა ვერ მოახერხეს.

მეორე ნახევარში სტუმრებმა 62-ე და 66-ე წუთებზე შეძლეს რიკარდო სილვას კარის აღება და საპასუხო თამაშის წინ კომფორტული უპირატესობაც გაინაღდეს.

განმეორებითი შეხვედრა მონტენეგროში 30 ივლისს, 23:00 საათზე გაიმართება.