მერაბ დვალიშვილს ქამრის პირველი დაცვა შესაძლოა 2025-ს დასაწყისშივე მოუწიოს.
ამის შესახებ უმარ ნურმაგომედოვის მენეჯერმა, რიზვან მაგომედოვმა განაცხადა.
„დათანხმდება თუ არა მერაბი? არამგონია, მას დიდი არჩევანი მისცენ. ნებისმიერ შემთხვევაში, დვალიშვილის პასუხი ჩემთვის გასაგებია, რადგან მან რთული გზა გამოიარა და ახლა უმართან ბრძოლა მისთვის სტილისტურად საშინელება იქნება." - აღნიშნა მაგომედოვმა.
შეგახსენებთ, რომ დვალიშვილი 15 სექტემბერს UFC-ს ისტორიაში მეორე ქართველი მსოფლიო ჩემპიონი გახდა, როცა მსაჯების ერთსულოვანი გადაწყვეტილებით მოქმედი ჩემპიონი, შონ ო'მალი დაამარცხა.
