ქოჩორაშვილმა ლევანტესთან კონტრაქტი გაახანგრძლივა

ლევანტეს ოფიციალური ვებ-გვერდის განცხადებით გიორგი ქოჩორაშვილმა კლუბთან კონტრაქტი 2027 წლამდე გაახანგრძლივა.

ხელშეკრულებაში პუნქტი ამოქმედდა, რომელიც დამატებით 2 წლით კონტრაქტის გახანგრძლივებას ითვალისწინებდა.

ქართველი ნახევარმცველი ლევანტეს ბ გუნდს 2019 წელს შეუერთდა, 2022-23 წლების სეზონში კი კასტელონში ასპარეზობდა იჯარის წესით.

ქოჩორაშვილმა ესპანეთის ლა ლიგა 2-ის წლევანდელ სეზონში 24 მატჩში მიიღო მონაწილეობა და 2 გოლი გაიტანა.

ლევანტეს ჩემპიონატში ბოლო ტურის შეხვედრა დარჩა ჩასატარებელი უესკას წინააღმდეგ, შემდეგ კი გიორგი საქართველოს ნაკრებს შეუერთდება, რომელიც ევროპის ჩემპიონატისთვის ავსტრიაში მოემზადება.

ვალენსიური გუნდი სეგუნდა დივიზიონში 58 ქულით მე-10 ადგილზე იმყოფება.