ესპანეთის ლა ლიგა 2-ის პირველ ტურში ლევანტე ხიხონს ესტუმრა. სასტარტო შემადგენლობაში იყო გიორგი ქოჩორაშვილი, რომელმაც შეხვედრა სრულად ჩაატარა.
ანგარიში მე-14 წუთზე სტუმართა მხრიდან კარლოს ალვარესმა გახსნა, ტაიმის ბოლოს, 42-ე წუთზე კი ქართველმა ნახევარმცველმა ჯარიმიდან გაიტანა გოლი. გიორგიმ მეკარე გააცურა და თითქოს ჩაწოდების მცდელობის იმიტაციის შემდეგ ბურთი კარისკენ გაუშვა, რის შემდეგაც რუბენ იანესმა შესაბამისი რეაგირება ვეღარ მოასწრო და გოლი გაუშვა.
ლევანტემ მეორე ტაიმში ერთი გოლი გაუშვა, 59-ე წუთზე ჯონათან დუბასინმა შეამცირა ანგარიშში სხვაობა, თუმცა ხიხონმა მატჩის გადარჩენა ვეღარ შეძლო და ლევანტემ სეზონი გამარჯვებით გახსნა.
სტატისტიკური ვებ-გვერდის Sofascore-ის მიხედვით ქოჩორაშვილმა 7.5 შეფასება მიიღო და მეორე გოლის ავტორ ალვარესთან ერთად ლევანტეს შემადგენლობაში საუკეთესო იყო.
