"ქოჩორაშვილით პრემიერლიგის კლუბი დაინტერესდა" - საფეხბურთო მენეჯერი

საფეხბურთო მენეჯერმა ლაშა ოდილაძემ საინტერესო ინფრომაცია გაავრცელა.

„ევროპის ჩემპიონატის შემდეგ ქართველი მენეჯერებისთვის სატრანსფერო ბაზარი უფრო საინტერესო გახდა. გამოჩნდა, რომ ძალიან მაგარი ფეხბურთელები გვყავს.

კონკრეტული მაგალითი გიორგი ქოჩორაშვილია, რომლითაც ინგლისის პრემიერლიგის კლუბია დაინტერესებული. მე, როგორც საფეხბურთი მენეჯერი, გიორგისთან არ ვთანამშრომლობ, მაგრამ ევრო 2024-ის დროს ამ ინგლისური კლუბის სკაუტი ჩემთან მოვიდა და ფეხბურთელის მიმართ ინტერესი გამოხატა. ამის შესახებ საქმის კურსში ფეხბურთელის გარემოცვა ჩავაყენე და სკაუტები ქოჩორაშვილს მენეჯერთან დავაკავშირეთ.

შედგება თუ არა ეს ტრანსფერი და შეთანხმდებიან თუ არა ინგლისელები ლევანტესთან, ამას მალე ვნახავთ, მაგრამ ერთი რამ ფაქტია – გიორგიმ უდიდესი შრომის ხარჯზე დიდი ნაბიჯი გადადგა და მისი წინსვლა ახალგაზრდა ფეხბურთელებისთვის მაგალითად გამოდგება“ - განაცხადა მენეჯერმა პირველ არხთან.

გიორგი ქოჩორაშვილი ევრო 2024-ზე საფეხბურთო სამყაროსთვის ერთ-ერთი აღმოჩენა გახდა. ის ამჟამად ლევანტეს წევრია და კლუბთან კონტრაქი 2027 წლამდე აკავშირებს.

ქართველი ნახევარმცველის ფასი Transfermarkt-ის მიხედვით 1 მილიონი ევროა, ჯერ-ჯერობით უცნობია, რამდენს მოითხოვს ლევანტე ტრანსფერის სანაცვლოდ.