ქოჩორაშვილის მხარდაჭერით ლევანტე საქართველოში სინჯებს ჩაატარებს

ლევანტეს ოფიციალური გვერდის განცხადებით, გიორგი ქოჩორაშვილის მხარდაჭერით ესპანური კლუბი საქართველოში ახალი ტალანტების მოსაძებნად მოდის. 

სინჯები თბილისში ჩატარდება და განკუთვნილი იქნება 2006-2011 წლებში დაბადებული ახალგაზრდებისთვის. მოთამაშეები, რომლებიც თავიანთ შესაძლებლობებს წარმოაჩენენ, შანსი აქვთ ლევანტეს სტიპენდია მიიღონ.

"აღნიშნული ინიციატივის ფარგლებში, ლევანტე არა მხოლოდ ეძებს მომავალ ტალანტებს, არამედ ასევე აძლევს ახალგაზრდებს შესაძლებლობას, რომ პირველი მაღალი რანგის სპორტული გამოცდილება მიიღონ პროფესიონალურ ფეხბურთში." - წერია კლუბის განცხადებაში.

ვარჯიშები 19 და 20 აგვისტოს დიდ დიღომში, სფფ-ს საფეხბურთო ცენტრში გაიმართება.

"საწვრთნელი ბანაკის შემდეგ შეირჩევა 10 ფეხბურთელი, რომლებსაც საშუალება ექნებათ მიიღონ მონაწილეობა ლევანტეს პროექტ PLAYER EXPERIENCE-ში და ორი კვირა გაატარონ ლევანტეს აკადემიაში და მიიღონ ის ცხოვრებისეული და სპორტული გამოცდილება, რაც დაეხმარებათ, რომ გახდნენ უკეთესი ადამიანები და პროფესიონალები." - წერს გიორგი ქოჩორაშვილი.

სარეგისტრაციო ლინკი