იტალიელი სპორტული ჟურნალისტის, ფაბრიციო რომანოს ინფორმაციით, პოლ პოგბასა და იუვენტუსს შორის ისტორია სრულდება და გეგმის მიხედვით, მხარეები კონტრაქტს გაწყვეტენ, ფრანგი კი თავისუფალი აგენტი გახდება.
პოლ პოგბა ყოველდღიურად მაიამიში ვარჯიშობს, რათა ახალ კლუბში სათამაშოდ მზად იყოს.
ნახევარმცველს ახალ გუნდში ვარჯიში 2025 წლის იანვრიდან შეეძლება, ოფიციალურ მატჩებში თამაში კი - მარტიდან.
შეგახსენებთ, რომ პოგბას დოპინგ ტესტის ჩავარდნის გამო 5-წლიანი დისკვალიფიკაცია მიუსაჯეს, თუმცა გასაჩივრების შემდეგ სასჯელი შეუმსუბუქეს და მას მალე მოედანზე დაბრუნება შეეძლება.
ფრანგი იუვენტუსში მანჩესტერ იუნაიტედიდან 2022 წელს დაბრუნდა.
