ოქრიაშვილის დებიუტი და ბათუმის გამარჯვება - აჭარაბეთ არენამ დერბის უმასპინძლა

აჭარაბეთ არენამ დინამოების დერბის უმასპინძლა.

თბილისის დროით 21:00 საათზე დინამო ბათუმმა დინამო თბილისს ეროვნული ლიგის მე-7 ტურის მატჩში უმასპინძლა.

შეხვედრა მასპინძელთა დომინაციით წარიმართა, რაც ანგარიშზეც აისახა - აჭარლებმა გომისის და კუტალიას დახმარებით მეტოქეს ორი უპასუხო გოლი გაუტანეს და დამაჯერებელი გამარჯვებაც მოიპოვეს.

ბათუმმა 18 ქულა დააგროვა და მე-7 ტურის შედეგად ცხრილს ერთპიროვნულად ჩაუდგა სათავეში, თბილისის დინამოელებმა კი 8 ქულით მე-6 ადგილზე მაღლა ამოსვლა ვერ მოახერხეს.

თბილისელებისთვის ერთი დასამახსოვრებელი რამ ამ მატჩში მაინც მოხდა - მატჩის 70-ე წუთზე მოედანზე თორნიკე ოქრიაშვილი გამოვიდა, რომლისთვისაც ეს დინამოს მაისურით სადებიუტო თამაში იყო.