ოფიციალურად: პოგბამ იუვენტუსთან კონტრაქტი გაწყვიტა

ტურინის იუვენტუსმა და პოლ პოგბამ კონტრაქტი ოფიციალურად გაწყვიტეს.

ფრანგი ნახევარმცველი თავისუფალი აგენტი გახდა და ნებისმიერ გუნდთან კონტრაქტის გაფორმება შეუძლია.

როგორც იცით, პოგბას დოპინგ-ტესტზე ჩავარდნის გამო მისჯილი 4-წლიანი ბანი 18 თვემდე შეუმცირეს, რაც იმას ნიშნავს, რომ ოფიციალურად გუნდთან ერთად ვარჯიშის განახლებას ის იანვრიდან შეძლებს, მოედანზე დაბრუნების უფლება კი მარტიდან მიეცემა.

31 წლის ნახევარმცველი იუვენტუსში 2022 წელს მანჩესტერთან კონტრაქტის ამოწურვის შემდეგ, უფასოდ გადავიდა, თუმცა მხოლოდ 8 მატჩში მოახერხა მონაწილეობის მიღება.