სერია ა-ს მე-12 ტურის ცენტრალურ მატჩში ინტერმა და ნაპოლიმ გამარჯვებული ვერ გამოავლინეს.
თამაში ჯუზეპე მეაცაზე გაიმართა და ფრედ 1:1 დასრულდა.
23-ე წუთზე სკოტ მაკტომინეიმ ანგარიში გახსნა, 43-ზე კი ჩალჰანოღლუმ ულამაზესი დარტყმით შეძლო წონასწორობის აღდგენა.
მეორე ნახევარში თურქს გამარჯვების გოლის გატანაც შეეძლო, თუმცა ინტერის მაისურით თავისი პირველი თერთმეტმეტრიანი გააცუდა.
ხვიჩა კვარაცხელიამ სრული მატჩი ჩაატარა და 7.2 შეფასება მიიღო.
12 ტურის შემდეგ ნაპოლი 26 ქულით ცხრილის სათავეში დარჩა, თუმცა ექვსეულში საოცარი სიმჭიდროვეა - პირველ და მეექვსე პოზიციაზე მყოფ გუნდებს შორის სხვაობა 1 ქულაა.
ინტერი, რომელსაც 25 ქულა აქვს, მე-4 ადგილს დამატებითი მაჩვენებლების გამო იკავებს, რადგან ამდენივე ქულა 3 სხვა გუნდსაც აქვს.
