ჩავარდნილი სეზონის შემდეგ ნაპოლი სატრანსფერო ფანჯარაზე საკმაოდ აქტიურობს.
ცნობილი იტალიელი ჟურნალისტის ფაბრიციო რომანოს ინფორმაციით, ნეაპოლელებმა ლეონარდო სპინაცოლასთან შეთანხმებას მიაღწიეს.
მოთამაშემ კონტრაქტის ამოწურვის შემდეგ რომა დატოვა და თავის ახალ კლუბს თავისუფალი აგენტის სტატუსით შეუერთდება. იტალიელი ნაპოლისთან კონტრაქტს 2026 წლის ივნისამდე გააფორმებს.
ლეონარდო იტალიის ნაკრებთან ერთად ევრო 2020-ის ჩემპიონი გახდა.
სპინაცოლა უკვე მეორე მოთამაშეა, რომლის ტრანსფერიც ნაპოლიმ შეათანხმა.
ნაპოლიმ რეალთან ცენტრალური მცველის ტრანსფერი შეათანხმა
ორი ტრანსფერის მიუხედავად, აურელიო დე ლაურენტისი აქ გაჩერებას არ აპირებს. ნაპოლი მზადაა, რომ კიდევ ერთი გარიგება დახუროს და ალესანდრო ბონჯორნო დაიმატოს.
ეს ტრანსფერიც საბოლოო ფაზაშია და წესითა და რიგით შეთანხმება მხარეებს შორის მალე უნდა შედგეს.
ნაპოლი ტორინოს 38 მილიონ ევროს გადაუხდის. ანტონიო კონტეს ცენტრალური მცველის დამატება ნებისმიერ ფასად სურდა.
სავარაუდოდ, ბონჯორნო ნაპოლის ფეხბურთელი მომავალ კვირაში გახდება.
