ლუკა მოდრიჩმა იტალიის კარში გოლის გატანის ევროპის ჩემპიონატების რეკორდი დაამყარა.
ხორვატიის ნაკრების ნახევარმცველმა 55-ე წუთზე მოახერხა ანგარიშის გახსნა, მისი გოლი გუნდისთვის მოსაგებად საკმარისი არ აღმოჩნდა - იტალიამ ანგარიში ბოლო წუთებზე გაათანაბრა.
38 წლის და 289 დღის ასაკში ლუკა მოდრიჩი ევროპის ჩემპიონატების ისტორიაში ყველაზე ასაკოვანი გოლის ავტორი გახდა.
მან ავსტრიელი ივიცა ვასტიჩის რეკორდი დაამხო, რომელმაც ევრო 2008-ზე პოლონეთის კარში გოლი 38 წლის და 257 დღის ასაკში გაიტანა.
