ლონდონური დერბი ფრედ დასრულდა

ინგლისის პრემიერ ლიგის მე-11 ტურის ცენტრალურ მატჩში ლონდონური დერბი გაიმართა. სტემფორდ ბრიჯზე ერთმანეთს ჩელსი და არსენალი დაუპირისპირდნენ.

32-ე წუთზე კაი ჰავერცის გოლი თამაშგარე მდგომარეობის გამო არ ჩაითვალა, ამის გამო კი პირველი ტაიმი უგოლოდ დასრულდა.

ანგარიში მე-60 წუთზე გაბრიელ მარტინელიმ გახსნა, რომელმაც რობერტ სანჩესს ახლო კუთხეში გაუტანა. საგოლე გადაცემა მარტინ ოდეგორმა მიითვალა, რომელიც არსენალს ტრავმის შემდეგ დაუბრუნდა.

სტუმართა სიხარულმა 10 წუთს გასტანა. 70-ე წუთზე პედრუ ნეტუმ საჯარიმოს გარედან დარტყმულით ანგარიში გაათანაბრა. საბოლოოდ შეხვედრაში მეტი გოლი აღარც გასულა და გუნდებმა ქულები გაიყვეს.

11 ტურის შემდეგ ჩელსისა და არსენალს ერთნარი შედეგი აქვთ - 5 მოგება, 4 ფრე და 2 წაგება. გუნდებს თანაბარი რაოდენობის 19-19 ქულა აქვთ და სატურნირო ცხრილში შესაბამისად მე-3 და მე-4 ადგილზე იმყოფებიან. მეორეადგილოსან სიტისთან ჩამორჩენა 4 ქულაა.