იტალიური La Stampa ქართველი გულშემატკივრებისთვის საინტერესო ინფორმაციას ავრცელებს.
წყაროს ცნობით, რომის ლაციოს რადარზე ზაფხულის სატრანსფერო ფანჯრისთვის ახალი სახელი გამოჩნდა - გიორგი ქოჩორაშვილი.
როგორც La Stampa წერს, მხარეებს შორის პირველი კონტაქტიც უკვე შედგა.
თუმცა მხოლოდ ლაციოს ინტერესი არაა, რომაელებს ქართველისთვის ბრძოლაში ტორინოც შეეცილება და მომდევნო დღეებში გადაწყდება თუ რომელი მხარე დაწინაურდება ქართველი ნახევარმცველის გადაბირების პროცესში.
გიორგი ქოჩორაშვილი ევრო 2024-ის ერთ-ერთი მთავარი აღმოჩენა გახდა, რომელმაც მსოფლიოს მასშტაბით უამრავი გულშემატკივრისა და საფეხბურთო ექსპერტის ყურადღება მიიპყრო და გასაკვირი არაა, რომ მის მიმართ ინტერესზეც საუბარი უკვე დაიწყო.
ქოჩორაშვილი: "მსოფლიოში საუკეთესო გულშემატკივარი გვყავს"
