კოპა იტალიაზე პირველი ნახევარფინალური წყვილი გაირკვა.
მილანმა სან სიროზე ატალანტას უმასპინძლა და ანგარიშით 1-2 დამარცხდა.
ანგარიში პირველი ტაიმის მიწურულს მასპინძელთა მხრიდან რაფა ლეაომ გახსნა, თუმცა მილანელთა სიხარული დიდხანს არ გაგრძელდა და მსაჯის მიერ კომპენსირებულ დროში გოლი კოოპმაინერსმა გაიტანა.
შეხვედრის ბედი 59-ე წუთზე სწორედ ნიდერლანდელმა გადაწყვიტა, თერთმეტმეტრიანის დახმარებით მოთამაშემ დუბლი შეასრულა, შედეგად მილანი იტალიის თასს გამოეთიშა.
ატალანტა 1/2 ფინალში ფიორენტინას დაუპირისპირდება, რომელმაც პენალტების სერიაში ბოლონია დაამარცხა.
თავის მხრივ რომაულ დერბიში გამარჯვებული ლაციო თავის მეტოქეს ელოდება, რომელიც დღეს იუვენტუსსა და ფროზინონეს შორის გაირკვევა.
