ისევ ფინეთი, ამჯერად თბილისში

დღეს, 24 ნოემბერს, ევრობასკეტ 2025-ის საკვალიფიკაციო ეტაპის მატჩში საქართველოს ნაკრები ფინეთს უმასპინძლებს. მატჩი თბილისი არენაზე 18:50 საათზე დაიწყება.

3 ტურის შემდეგ ჯგუფში ასეთი სიტუაციაა:

1. სერბეთი - 6 ქულა

2. დანია - 4 ქულა

3. საქართველო - 4 ქულა

4. ფინეთი - 4 ქულა

ფინეთს, როგორც ევრობასკეტის ერთ-ერთ მასპინძელს, ტურნირზე თამაში გარანტირებული აქვს, მის გარდა კი ჯგუფიდან 2 საუკეთესო გუნდი გავა.

საქართველოს ნაკრების 12-კაციანი განაცხადი ფინეთთან მატჩისთვის ასეთია:

ლუკა ლიკლიკაძე, რატი ანდრონიკაშვილი, კახა ჯინჭარაძე, ბექა ბურჯანაძე, გიორგი შერმადინი, დუდა სანაძე, გიორგი კორსანტია, ალექსანდრე ფევაძე, თორნიკე შენგელია, ლუკა მაზიაშვილი, მათე ხატიაშვილი, კამარ ბოლდუინი.

საქართველო და ფინეთი აქამდე 4-ჯერ შეხვდნენ ერთმანეთს, 2 მატჩი ჩვენმა გუნდმა მოიგო, 2 კი - ფინეთმა.

საქართველო 73-87 ფინეთი - 2011 წელი
ფინეთი 85-91 საქართველო - 2020 წელი
საქართველო 70-78 ფინეთი - 2021 წელი
ფინეთი 83-90 საქართველო - 2024 წელი

საქართველოს ნაკრები შეეცდება ფინეთი 3-დღიან მონაკვეთში მეორედ დაამარცხოს.

საქართველოს დრამატული გამარჯვება ფინეთში