იტალიელი სპორტული ჟურნალისტის, ფაბრიციო რომანოს ინფორმაციით, ინტერმა იან ბისეკთან 2029 წლის ივნისამდე კონტრაქტის გახანგრძლივებაზე შეთანხმებას მიაღწია.
ბისეკის აგენტები უკვე მილანში არიან და ხელშეკრულება ოფიციალურად მომდევნო საათებში გაფორმდება.
მოთამაშეს გერმანიის ეროვნული გუნდის სტაფიც ყურადღებით აკვირდება, რათა 2025 წელს ბისეკი ნაკრებში გამოიძახონ.
ბისეკი ინტერს 2023 წელს დანიური ორჰუსიდან შეუერთდა. მას გერმანიის ასაკობრივ გუნდებში თამაშის გამოცდილებაც აქვს.
