იტალიელი სპორტული ჟურნალისტის ფაბრიციო რომანოს ინფორმაციით, ინტერი და იან ბისეკის გარემოცვა ახალი კონტრაქტის საბოლოო დეტალებს აგვარებენ.
მხარეებს შორის კიდევ ერთი შეხვედრაა ჩანიშნული და ბისეკი ინტერთან ახალ ხუთწლიან ხელშეკრულებას გააფორმებს, რომელიც შეთანხმების მიღედვით ანაზღაურების გაზრდასაც ითვალისწინებს.
ინტერი მოთამაშის განვითარებით ძალიან კმაყოფილია. იან ბისეკი მილანურ კლუბს 2023 წელს დანიური ორჰუსიდან შეუერთდა.
23 წლის გერმანელს ნერაძურისთან ამჟამინდელი კონტრაქტი 2028 წლის ივნისამდე აკავშირებს.
